By Anthony Giron
GENERAL TRIAS CITY, Cavite – Isang mekaniko ang natagpuang patay sa isang kanal dito, Biyernes.
Ayon sa pulisya, natagpuan ang katawan ng biktima na kinilalang si Jonvic Garcia Sico, 21-anyos, bandang alas-sais ng umaga ng isang dumaraang tao na agad namang nag-report sa pulis.
Balot sa plastic bag diumano ang ulo ni Sico ng matagpuan ito. Nakatali naman ang kamay at paa nito ng packaging tape.
Ani Senior Police Officer I Darwin Manalo, case investigator, wala pa silang lead sa kasalukuyan ukol sa krimen.
Huli daw nakita buhay si Sico bandang alas-nueve ng gabi ng Huwebes na bumibili ng yelo sa isang tindahan.
Nadala na ang katawan ni Sico sa isang funeral parlor dito para sa autopsy.